Наташа Димова се приклучи на Мрежата Стела во август 2018 година и брзо стана клучен дел од нејзината мисија за менторство и родова еднаквост. Како проектна менаџерка спроведува истражувања, подготвуваше документи за јавни политики, организираше настани и ја одржуваше јавната присутност на мрежата. Нејзиното именување за претседателка во август 2022 година го прошири нејзиниот опсег на одговорности – сега ја претставува организацијата и го координира нејзиното стратешко планирање, надгледувајќи ја реализацијата на плановите и застапничките иницијативи, со посебен фокус на економското и општественото зајакнување на жените и девојките.
Покрај обврските во Стела, Димова е активна и во пошироките аналитички и граѓански процеси. Таа е сениор аналитичарка во Pikasa Analytics, каде што изработува извештаи за медиумско следење во повеќе региони. Претходно, речиси девет години работешe во Македонскиот центар за меѓународна соработка, каде што раководеше проекти за борба против корупцијата и зајакнување на граѓанското општество. Нејзиното академско образование вклучува диплома по Политички науки и магистратура по Применета политика на Универзитетот „Св. Кирил и Методиј“ во Скопје. Дополнителните обуки во областа на статистичка анализа, застапување и влијание на јавни политики, управување со засегнати страни и родова сензитивност ѝ овозможуваат интердисциплинарен пристап.