Женска менторска мрежа
Менторството во рамките на женската Мрежа Стела претставува споделување насоки и совети од девојки и жени за девојки и жени со цел остварување на нивните животни и професионални цели и аспирации. Менторираните добиваат поддршка од своите менторки не само на полето на образование и кариера, туку мрежата дава поддршка и за надминување на секојдневните општествени и приватни пречки и притисоци со кои се соочуваат девојките и жените во Македонија.
Низ различните проекти и активности, организацијата цели да придонесе кон дискусија на државно ниво за општествените и структурни пречки со кои мораме колективно да се соочиме за да ги поддржиме жените и девојките во нивното идно себеостварување. Здружувајќи жени од различни потекла и искуства, Стела се стреми да создаде инклузивна средина која ги поздравува сите, без разлика на нивниот род, сексуалност, возраст, социо-економски статус, преку интерсекциски пристап.
Нашиот тим цврсто верува во важноста на поддршката и заедништвото при развивањето на нашите потенцијали.
Зошто менторството е важно за младите девојки и жените?
Гради самодоверба и самопочит.
Обезбедува насоки за навигација на академски, кариерни и лични патеки.
Помага да се надминат предизвиците специфични за девојчињата, како што се рушење на родовите стереотипи или борба против синдромот на измамник.
Ги проширува мрежите, давајќи пристап до можности што инаку би ги немале.
Кои се придобивките од менторство?
Зголемување на знаењата, вештините и самодовербата;
Проширување на мрежите и отворање нови можности; обезбедување поддршка, насока и охрабрување;
Зајакнување на мотивацијата; поттикнување на личниот и професионален раст итн.
Како да станете менторка во мрежата или да бидете менторирана?
Женска менторска мрежа
